“Qarabağ” sabah Tofiq Bəhrəmov adın Respublika stadionunda “Ayaks”ı qəbul edəcək. Oyun “Qarabağ” üçün olduqca önəmlidi. “Köhlən atlar” qələbə qazanacağı təqdirdə, çox güman, yuxu kimi görünən “24-lük” istəyini reallaşdıra biləcək.

Bəs itkilərlə bağlı durum necədi? “Qarabağ”da əsas itki Kadi Borgesdi ki, artıq adı iştirak ərizəsindən adı çıxarılıb. Bir də Şahruddin Məhəmmədəliyevlə Abbas Hüseynov zədəlidi. “Ayaks”ın itkiləri haqda isə məlumat vermişik. Kennet Teylor, Vut Veqhorst, Yosip Şutalo, Ceysms Makkonnell, Cerald Alders və Stiven Berqheys Bakıya gəlməyib. Bəs bu 6 futbolçu Niderland təmsilçisi üçün nə qədər vacibdi? Cari mövsümkü göstəriciləri necədi?

Kenner Teylor yarımmüdafiəçidi. Çempionatda 14 oyuna çıxıb, 2 qol, 4 məhsuldar ötürmə ilə yadda qalıb. ÇL göstəricisi isə 0-dı.

Vut Veqhorst mərkəz hücumçusudu. “Ayaks”ın əsas ulduzlarından biridi. Bu mövsüm çempionatda 14 oyuna çıxıb, 6 qol vurub, 1 məhsuldar verməyi bacarıb.ÇL göstərici isə 4 oyun, 1 qoldu.

Yosip Şutalo isə müdafiəçidi. Çempionatda 10, ÇL-də 5 oyunun hamısında iştirak edib.

Ceyms Makkonell “Liverpul” akademiyasından gələn gənc futbolçulardandı. 21 yaşı var. 10 nömrə mövqeyində oynayan ingilis futbolçu çempionatda 4, ÇL-də 3 oyuna çıxıb. Çox da şans qazana bilməyən futbolçu heç bir məhsuldar göstəriciyə malik deyil.

Cerald Alders də həmçinin. 20 yaşı var, klub akademiyasından cəlb olunub, ÇL-də cəmi bir oyunda 10 dəqiqə şans qazanıb, çempionatda isə biri ilk “11-lik”də olmaqla 3 oyuna çıxıb, məhsuldar hərəkəti yoxdu.

Stiven Berqheys də ÇL-də bu mövsüm cəmi bir oyuna çıxıb, heç nə yadda qalmayıb. Çempionatda isə mümkün 15 oyunun 8-də iştirak edən 33 yaşlı sağ cinah vingeri 1 qol, 2 məhsuldar ötürmə ilə yadda qalıb.

MÜZƏFFƏR QULUZADƏ