2025/26 mövsümünün ikinci hissəsinə hazırlığı davam etdirən “Qəbələ” növbəti yoxlama oyununu keçirib.

"Football-plus.az" xəbər verir ki, Kaxaber Sxadadzenin komandası 1-ci liqa təmsilçisi "Baku Sportinq"lə qarşılaşıb.

Oyun "qırmızı-qaralar"ın 7:1 hesablı qələbəsi ilə başa çatıb. "Qəbələ"nin qollarını İsmaheel Akinade (4, 8), Murad Musayev (27), Eşqin Əhmədov (40), Nicat Əliyev (60), Xayme Sierra (66) və Salihu Nasiru (73) vurub.

Xatırladaq ki, "Qəbələ" ilk sınaq matçında “Kəpəz”ə 3:1, ikinci oyununda isə "Araz-Naxçıvan"a 1:0 hesabı ilə qalib gəlib.