Dünya futbolunda 2025-ci ilin yekunlarına dair maraqlı faktlar gəlməkdədi.

"Football-plus.az" xəbər verir ki, geridə qoyduğumuz ildə ''böyük beşlik''də ən çox qol buraxan klublar bəlli olub. Söhbət təkcə daxili çempionatdan yox, bütün turnirlərdən gedir. Bu siyahıya ''Tottenhem'' başçılıq edir. London klubu 2025-ci ildə bütün turnirlərdə 59 oyun keçirib və ''böyük beşlik''də hamıdan çox - 83 qol buraxıb!

Xatırladaq ki, ''Tottenhem'' ötən mövsümü premyer-liqada çox zəif keçirərək 17-ci pilləni tutmuşdu. Amma digər tərəfdən komanda Avropa Liqasında finala qədər irəliləyərək ''Mançester Yunayted''i yenmiş və bu turnirin qalibi olmuşdu. Siyahıda sonrakı pillələrdə ''Real'' və ''Brest'' qərarlaşıb. Onların hər ikisi 2025-ci ildə 80 qol buraxıb. Madrid nəhəngi geridə qoyduğumuz ildə ''böyük beşlik''də hamıdan çox - 67 rəsmi oyun keçirib.

''Opta''ya inansaq, il ərzində rəqiblər ''kral klubu''nun qapısına doğru 793 zərbə endirib, eləcə də komandanın buraxılmış qollar üzrə xG-si 86,6-ya bərabərdi.

Siyahıda 4-cü pillədə isə La Liqanın digər klubu ''Real Sosyedad'' (76) qərarlaşıb.