Luis Enrikenin PSJ-ni daha uzun müddət çalışdırmaq imkanı var.

"Football-plus.az" xəbər verir ki, Fransa klubunun rəhbərliyi baş məşqçi ilə bağlı yeni plan hazırlayıb. AS nəşrinin məlumatına görə, Paris klubu dünya futbolunda nadir rast gəlinən qərar üzərində çalışır. Rəhbərlik 55 yaşlı ispaniyalı mütəxəssisə ömürlük müqavilə təklif etməyi planlaşdırır.

Məlumata görə, PSJ rəhbərliyi Enrikeni komanda üçün ideal baş məşqçi hesab edir. Bu səbəbdən ona futbol tarixində ən yüksək maliyyə şərtlərinə malik müqavilə təklif ediləcəyi bildirilir.

Luis Enrike PSJ-ni 2023-cü ilin yayından çalışdırır. Onun hazırkı müqaviləsinin müddəti 2027-ci ilin yayına qədərdi. PSJ onun rəhbərliyi altında iki dəfə Fransa çempionu olub, Fransa kubokunu və superkubokunu qazanıb. Ən böyük uğur isə 2024/25 mövsümündə Çempionlar Liqası və Qitələrarası Kubokunda qazanılan çempionluq olub.