Ronald Arauxo ilə bağlı vəziyyət daha da ciddiləşib.

"Football-plus.az" xəbər verir ki, İspaniyanın COPE nəşrinin məlumatına görə, “Barselona”nın oyunçusu bir müddətdi psixoloji problemlərlə mübarizə aparır. Daha əvvəl oyunçunun vəziyyətinin yaxşılaşmayacağı halda klubun yeni müdafiəçi transfer etmək istədiyi də bildirilmişdi.

COPE-nin xəbərinə görə isə uruqvaylı futbolçu artıq “Barselona”nın formasında meydana çıxa bilməyəcək. Arauxo ilə bağlı problemin görünəndən daha ciddi olduğu da vurğulanıb.

Çempionlar Liqasında “Çelsi” ilə oyunda 44-cü dəqiqədə qırmızı vərəqə alması və komandanın 0:3 hesabı ilə uduzması futbolçunun emosional vəziyyətinin daha da pisləşməsinə səbəb olub.