Qusar təmsilçisinin prezidenti və kapitanı Rahid Əmirquliyev isə 84-cü dəqiqədə meydana ayaq basdı.
Maraqlıdı, meydana çıxması öz istəyi ilə olub, yoxsa məşqçi Elnur Abdullayevin qərarı idi? Əmirquliyevin bu matçda oynamaq istəyi ötən mövsüm “Şəfa” ilə “Şahdağ Qusar” arasındakı prinsipiallıqla bağlı deyil ki? Rahid bəy sualları belə cavabladı:
“Bu mövsüm debüt etməməyim zədə ilə bağlı idi, dizimdən əməliyyat olunmuşdum. Şükürlər olsun, artıq məşqə başlamışam. Yavaş-yavaş istəyirəm ki, komandaya kömək edim. Bu matçda oynamağım heç bir prinsip məsələsi deyil. Formaya düşmək üçün yavaş-yavaş oynamaq lazımdı. Debüt “Şəfa” ilə oyuna təsadüf etdiyinə görə hər kəs hansısa prinsipiallığın olduğunu düşünür, qətiyyən prinsip yoxdu. Ötən mövsüm 2-ci liqada çempionluq uğrunda mübarizə aparmışıq, bu o demək deyil ki, biz “Şəfa” ilə, ya da “Şəfa” bizlə prinsip aparır. İstəyirəm ki, oynayım, formaya düşüm. Elnur müəllim də bu matçda şans verdi ki, oynayım”.
MÜZƏFFƏR QULUZADƏ
