Sumqayıt – Qarabağ (Ağdam) 2:4 (1:2)
1. Mehdi Cənnətov – 5,0
80. Keffel Resende – 5,5
(75. Nadir Orucov, 78) – qiymətsiz
14. Pedro Pinto – 5,5
3. Höccət Haqverdi – 6,5
72. Rayan Senhadji – 4,5
25. Abdul Raşid Mumini – 5,0
8. Səbuhi Abdullazadə (k) – 5,0
(6. Rauf Rüstəmli, 78) – qiymətsiz
71. Masaki Murata – 5,5
(10. Nikola Ninkoviç, 69) – 5,0
7. Rüstəm Əhmədzadə - 5,5
(19. Roy Kehat, 69) – 5,0
11. Aleksa Yankoviç – 6,0
(95. Nsana Simon, 69) – 6,0
9. Aleksandr Ramalinqom – 5,5
Ehtiyat oyuçular
22. Xəyal Fərzullayev
56. Aftanfil Arixov
21. Nihad Əhmədzadə
23. Ronaldo Vaskes
37. Nihad Orucəli
66. Ruslan Əliyev
97. Vüsal Paşayev
Baş məşqçi: Saşa İliç
Komandanın ən yaxşısı: Höccət Haqverdi

99. Mateuş Koxalski – 6,5
27. Toral Bayramov – 6,5
(7. Nəriman Axundzadə, 78) – qiymətsiz
81. Kevin Medina – 6,0
13. Bəhlul Mustafazadə - 6,0
(18. Dani Bolt, 70) – 5,0
2. Mateus Silva – 5,5
9. Xoni Montiel – 6,0
35. Pedro Bikalyo – 5,5
10. Abdulla Zubir – 7,5
(44. Elvin Cəfərquliyev, 70) – 5,5
11. Emmanuel Addai – 6,0
15. Leandro Andrade – 7,0
(21. Aleksey Kaşuk, 78) – qiymətsiz
17 Kamilo Duran – 5,5
Ehtiyat oyunçular
97. Fabian Buntiç
3. Sami Mmae
30 Abbas Hüseynov
55. Bədavi Hüseynov
6. Kris Kuaku
22. Musa Qurbanlı
77. Ramil Şeydayev
Baş məşqçi: Qurban Qurbanov
Komandanın ən yaxşısı: Abdulla Zubir

Qollar: L.Andrade, 6 (0:1, E.Addai). H.Haqverdi, 31 (1:1, A.Yankoviç). T.Bayramov, 42 (1:2). A.Zubir, 63 (1:3). N.Simon, 83 (2:3, A.Ramalinqom). A.Kaşuk, 90+3 (2:4, E.Cəfərquliyev).
A.Ramalinqom 77-ci dəqiqədə penaltidən yararlana bilməyib (qapıçı).
Vərəqələr: M.Silva, 2 (qeyri-idman hərəkəti). E.Addai, 11 (qeyri-idman hərəkəti). R.Senhadji, 14 (qeyri-idman hərəkəti). K.Medina, 36 (qeyri-idman hərəkəti). P.Pinto, 69 (qeyri-idman hərəkəti) – sarı. R.Senhadji, 60 (qeyri-idman hərəkəti) – qırmızı (ikinci sarı).
Hakimlər: FƏRİD HACIYEV, Rəhman İmami, Kərimm Zeynalov, Kamran Əliyev (hamısı Bakı).
VAR hakimi: Kamal Umudlu (Bakı).
VAR hakiminin köməkçisi: Akif Əmirəli (Bakı).
Hakim-inspektor: Munis Abdullayev (Bakı).
AFFA nümayəndəsi: Zümrüd Ağayeva (Bakı).
21 noyabr. Sumqayıt. Mehdi Hüseynzadə adına şəhər stadionu. 9100 tamaşaçı (9502 yerlik).
Birinci hissəyə 1, ikinci hissəyə 5 dəqiqə əlavə olunub.
Oyunun qiyməti: 8,0.

Heç şübhəsiz, “Qarabağ” Sumqayıta həm də mövsümdəki yeganə məğlubiyyətin qisasını almaq üçün gəlmişdi. “Köhlən atlar”ın “Napoli”ylə qarşılaşacağını da nəzərə alsaq, bu matç yetərincə əhəmiyyətli idi. Azı ona görə ki, Qurban Qurbanov Montieli start heyətində sınamalı, Neapol səfəri üçün nəzərdə tutulan bəzi planların üzərində işləməliydi. Hələ onu demirik ki, qələbə həm də liderliyin möhkəmləndirilməsi baxımından vacib idi. “Sumqayıt” isə yalnız ilk “dördlük”dəki yerini qorumalıydı. Bəlkə də bunun üçün bir xal yetərli olacaqdı. Ancaq meydan sahibləri ilk növbədə tribunalara təşrif buyuran 9 mindən çox azarkeşə yaxşılıq etdi – daha çox irəli atılmağa, qələbə uğrunda döyüşməyə üstünlük verdi. O başqa məsələ ki, “Qarabağ” matça “hücum yağışı”yla başladı.

Hələ 4-cü dəqiqədə qol imkanı Addainin Mehdiyə uduzması üzündən boşa getdi. Hər halda, təcrübəli qapıçını məğlub etmək çətin olmadı. 6-cı dəqiqədə Səbuhidən topu “oğurlayan” Zubir dərhal Addaini “gördü”. Qanalının cərimə meydançasına çatdırdığı topu qarşılayıb “çərçivə”yə göndərən isə Andrade oldu. Ardından Pintonun qeyri-dəqiq zərbəsinə şahidlik etdik. Bundan sonra oyunun uzun müddət sakit məcrada irəlilədiyini deyə bilərik. O vaxta qədər ki, “Sumqayıt” hesabı bərabərləşdirdi. Yankoviçin 30-cu dəqiqədə kornerdən cərimə meydançasına göndərdiyi topu Höccət tora qovuşdurdu. Amma “kimyacılar” tarazlığı fasiləyə qədər qoruya bilmədi. 42-ci dəqiqədə hücuma keçən qonaqlar Montielin ötürməsi, Toralın qolu sayəsində paltardəyişmə otağına üstün yollandı.

Qonaqlar ikinci yarıyada fırtına kimi başladı. 55-ci dəqiqədə Andrade bəxtini sınadı ki, Mehdi inamlı çıxış etdi. Qolkiper Duranla təkbətək mübarizədən də qalib ayrıldı. Ancaq bu, “Sumqayıt”ın uğur qazanmasına yetmədi. Çünki Senhadjinin cərimə meydançasındakı Montieli kobudluqla yerə sərməsi meydan sahiblərinin 60-cı dəqiqədə azlıqda qalmasına səbəb oldu. Belədə təzyiqi daha da artıran “Qarabağ” 63-cü dəqiqədə Zubirin sayəsində fərqi artırdı. Bir qədər sonra yaşananlar isə penaltı qərarıyla nəticələndi. Buna Elvinin əllə oynaması səbəb oldu ki, 77-ci dəqiqədə topun arxasına keçən Ramalinqom Koxalskiyə uduzdu. Bir qədər sonra “Sumqayıt”ın azlıqda qalmasına rəğmən, fərqlənməsinə şahidlik etdik: 83-cü dəqiqədə Ramalinqomun ötürməsini qəbul edən Simon topu tora qovuşdurdu. Artıq Sumqayıt camiəsi azı bir xala ümid edə bilərdi ki, Kaşuk buna imkan vermədi. Daha doğrusu, 90+3-cü dəqiqədə önə atılan qonaqlar Elvinin qapıya paralel ötürməsi, Kaşukun dəqiqliyi sayəsində dördüncü qolu vurdu. Bu artıq qələbə idi.

Gözdən qaçmadı
// Media sektorunda azyaşlı uşaqlar və xeyli əcnəbi media nümayəndələri də əyləşmişdi. Həmkarlarımızın əksəriyyəti rus idi.
// Fasilədə stadionun çölündə yüzə yaxın azarkeş tribunalara yollanmağa çalışırdı. Onlardan bəziləri biletlərinin olduğunu desə də, polislər “Q-kod” oxuyucu cihazlarının olmadığını bildirərək tərəfdarları içəri buraxmadı.

KƏNAN BAHADIR