Tomas Müller yaxın gələcəklə bağlı planını açıqlayıb. “Vankuver Uaytkeps”in hücumçusu Kanada klubunda qalmaq perspektivi barədə fikrini bildirib.

"Football-plus.az" xəbər verir ki, almaniyalı futbolçu 2025-ci ildən sonra da Kanadada qalmaq niyyətində olduğunu deyib. O, yeni komandasında özünü xoşbəxt hiss etdiyini və burdakı atmosferin Almaniyadakından daha az gərgin olduğunu vurğulayıb. Hücumçu əsas hədəfinin titullar qazanmaq olduğunu da söyləyib.

Qeyd edək ki, DÇ-2014-ün qalibi olan Tomasın “Vankuver Uaytkeps” ilə müqaviləsinin müddəti bu ilin sonuna qədərdi. Müqavilənin müddətinin daha bir il uzadılmaq ehtimalı var.