Yığmaların oyunu ərəfəsində Azərbaycanda çıxış edən fransalı futbolçuların diqqət mərkəzində olması təbiidi.

Fransalı həmkarlarımızın fikrincə, “Qarabağ”ın Çempionlar Liqasındakı uğurları sayəsində Azərbaycan liqası Avropanın da marağını çəkib. Və bu amil əcnəbiləri ölkəmizə çəkir. Hazırda Misli premyer-liqasında 11 fransalı çıxış edir. Onlardan ikisi daha populyardı. Söhbət ilk növbədə fransız həmkarlarımıza “mən bura gələndə şoka düşdüm.

Azərbayan inkişaf edən çempionata malikdi və əcnəbi oyunçular üçün qonaqpərvər evdi” deyən Abdulla Zubirdən gedir. 33 yaşlı futbolçu Azərbaycandakı əsl fransalı ulduzdu. Zubir çempionatda liderlik edən “Qarabağ”ın kapitanıdı.

2018-ci ildə “Lans”dan “Lill”ə 1 milyon avroya keçən Zubir artıq “Qarabağ”ın heyətində 331 oyun keçirib.
Fransalı jurnalistlərin diqqətini çəkən digər futbolçu isə 19 yaşlı Aaron Maludadı. “Sabah” onu “Lill”dən icarəyə götürüb. Fransa yığmasının sabiq oyunçusu Floran Maludanın (2004-12-ci illər aralığında 80 oyun) oğlu heç düşünmədən inkişaf etmək üçün Azərbaycanı seçib.

ORXAN