Misli premyer-liqasının 11-ci turunda keçirilən Azərbaycan derbisində “Neftçi” “Qarabağ”a məğlub oldu - 2:0.

“Football-plus.az” xəbər verir ki, oyunsonrası mətbuat konfransında Samir Abasov media nümayəndələrinin suallarını cavablayıb.

- Emin Mahmudovun əvəzlənməsi nə ilə bağlıdı idi?
- Oyundan əvvəl Emin və Rezabalanın zədəsi var idi. Ona görə də bir hissə onu, bir hissə Rezabalanı oynatdım. Birinci hissə bitməmişdən Mahmudov göstərdi ki, tükənir.

- Vensan Abubakarın performansını necə dəyərləndirərdiz?
- Komanda pis oynamadı. "Qarabağ"a qarşı səfərdə oynamaq asan deyil. Onlar hansı səviyyədədi, görürük. Birinci hissədə düz və
yaxşı oyayırdı. Bunu sona qədər də davam etdirdik. Abubakarın epizoda girməməyinə gəldikdə, "Qarabağ" elə komanda deyil ki, hər dəqiqə epizod yaradasan. 2-3 epizod var idi ki, onlardan yararlana bilərdik. Uduzmağımızın səbəbi komandadı, biz də
qarışıq. Əsas odu ki, çox yaxşı hücumçumuz var. Digər futbolçular da Abubakarın gəlişindən sonra yüksək motivasiya qazanıblar, bu da bizim üçün xoşdu. Razılaşmaya bilərsiz, belə dəqiqələrdə ucuz
penaltilər verilməz. Elçin Məsiyev deyir ki futbol kontakt oyunudu. Niyə "Zirə" və "Turan Tovuz"la matçlarda penaltilərimiz verilmədi? Çox pis təsir edir. Həmin penalti bizi özümüzdən çıxardı. Kontakt
var idi, amma bu oyun kontakt oyunudu. Oyunçu daha çox özünü yerə yıxmaq istəyirdi. Hakim tərəfdən həmin penaltinin verilməsi böyük səhv idi.

- İstədiyiniz nəticəni qazanmağa nə çatmadı?
- Qol. Komandamdan çox razıyam. Fərqli "Neftçi"ni izləyirik. Bu gün bu qədər adamın oyuna gəlməsi, bu qədər mikrofonların olmaq səbəbi
əsla "Qarabağ" və onların oynadığı oyun deyil, "Neftçi"di. Çox yaxşı komanda qururuq. Pis oynamadıq. Bəzi oyunçular meydançada çox yaxşı idilər. Bəzi planlar pozuldu. Nəyi daha yaxşı edə bilərik deyə, onun üzərində işləyəcəyik.

- Sanki Varqas hücumçu arxasında oynayanda, daha effektiv görünür.
- O hər yerdə effektlidi.

- "Neftçi" qolu buraxdıqdan sonra riskə gec getdiz? Dəyişiklik gec oldu...
- Səbirlə gözləyirdik. Ortisi də də buraxmaq istəyirdik. Bütün planlar Eminin oyundan çıxmağı ilə pozuldu. Düşünürdük ki, 70-75-ci dəqiqədə hücumameyilli, sürətli oyunçular buraxaq. Yaxşı, sıx oynayırdıq. Düşünmürəm ki, nəyisə gec etdik. Planın pozulması buna səbəb göstərilə bilər.

- Futbolçular bəzi epizodlarda fərdi oynayırdı..
⁃ Düzgün qərar idi. Üzərində dayanmışdıq. Çünki rəqib çox pressinq edirdi. Bir oyunçunu əksiltmək çox vacib idi. Biz bu pressinqi ancaq belə yara bilərdik. Sıx pressinq top itkisinə səbəb ola bilərdi. Daha yaxşı komandaya çevrilmək üçün yaxşı oyun idi.

MÜZƏFFƏR QULUZADƏ