Dünən Çempionlar Liqasının oyununda səfərdə “Ayaks”ı darmadağın edən “Qalatasaray”, deyəsən, estafeti “Samsunspor”a ötürüb. Samsunlular noyabrın 6-da Konfrans Liqasının 3-cü tur oyununda evdə Malta təmsilçisi “Hamrun Spartans”la qarşılaşdı. Rəqib qapısından üç cavabsız top keçirən Türkiyə klubu maksimum nəticə ilə turnir cədvəlinə başçılıq edir. “Samsunspor”la yanaşı, “Sabah”ı Avropa Liqasından uzaqlaşdıran “Selye” (Sloveniya) və “Maynts-05” də 9 xal toplayıb.