“Hazırda iTicket.az “Qarabağ” FK-nın oyunlarında biletlərin ikinci əl satışının (qara bazarın) qarşısını almaq məqsədilə genişmiqyaslı araşdırmalarda aidiyyəti dövlət qurumlarına dəstək göstərir. Bu istiqamətdə monitorinqlər, texniki yoxlamalar və məlumat mübadiləsi həyata keçirilir”.
Məlumatın altında yazılan rəylərdən belə görünür ki, azarkeşlər, sadəcə, “iTicket.az” şirkətinə inanmır. Məsələn, Ramil Rəhimov belə yazır: “Boş paylaşımdı. Ən böyük saxtakarlar elə siz və təşkilatçılardı. 1100-cü adam olduğum halda, bir bilet belə seçə bilmədim. Elə bu yarıtmazlığınıza görə bu oyuna getməmək lazımdı. Gedib 10 manatlıq biletə 50 manat verib hansısa dələduzun cibini doldurmaqdansa, oturub evimdə isti çayımı içə-içə baxaram. Əziz xalqım, xahiş edirəm “qara bazar”dan almayın. Qoy bir oyun stadion boş qalsın, bu da bunlara dərs olsun, yoxsa bunlar düzələn deyil”.

“Birinci öz işçilərinizlə əlbir olan şərəfsizləri ittiham edin”.