Azərbaycan cüdoçusu Kənan Nəsibov (+100 kq) Moldovanın paytaxtı Kişineuda keçirilən U-23 Avropa çempionatının qalibi olub.

"Football-plus.az" xəbər verir ki, finalda Kənan Nəsibov Polşa təmsilçisi Yakub Sordilini məğlub edərək qızıl medalı qazanıb. Digər finalçımız Ömər Rəcəbli (81 kq) isə italiyalı Manuel Parlatiyə uduzaraq gümüş medalla kifayətlənib.
.Təmsilçilərimizdən Vüqar Talıbov və Aslan Kotsoyev (90 kq) isə üçüncülük uğrunda qarşılaşıblar. Rəqibini üstələyən Kotsoyev bürünc medala sahib olub.

Xatırladaq ki, bir gün öncə Azərbaycan cüdoçularından İslam Rəhimov (66 kq) Avropa çempionu adını qazanmışdı.