Yunanıstanda gənc cüdoçular arasında keçirilən Avropa Kubokunda milli komandamız ilk medalını qazanıb.

"Football-plus.az" saytının məlumatına görə, Məhərrəm İmamverdiyev (81 kq) birinci yerə çıxıb. O, finalda ukraynalı Stanislav Korçemlyuku üstələyib.

Bundan başqa Ruslan Nəsirov (100 kq), Kənan Nəsibov və Hüseyn Məmmədov (hər ikisi +100 kq) finala yüksəlib. Nəsibov və Məmmədov həlledici görüşdə bir-biri ilə üz-üzə gələcəklərindən, onlardan biri Azərbaycanın aktivinə növbəti qızıl medalı yazdıracaq. Vüqar Talıbov (90 kq) isə bürünc medal uğrunda mübarizə aparacaq.