Misli premyer-liqası
1-ci dövrə, 10-cu tur
2 noyabr
Turan Tovuz – Şamaxı
“Turan Tovuz”un bu rəqiblə ev oyunlarının balansı: 4:+1=2-1, 6:7.
Cəzalı: Abdullahi Şuaybu (Şamaxı).
“Futbol+”in proqnozu: 40-40-20.
Hakimlər: CAVİD CƏLİLOV, Kamran Bayramov, Müslüm Əliyev, İslam Məmmədov.
VAR hakimi: Kamal Umudlu.
VAR hakiminin köməkçisi: Vüsal Məmmədov.
Hakim-inspektor: Ramil Diniyev.
AFFA nümayəndəsi: Mübariz Hüseynov.
Tovuz, şəhər stadionu. Saat 16.00.

Xatırlayırsızsa, “Turan Tovuz” Tovuz şəhər stadionuyla ötən mövsüm - 36-cı turda “Kəpəz”ə qarşı oyunda vidalaşmışdı. Mayın 25-nə təsadüf edən görüş “bozqurd”un 4:0 hesablı qələbəsiylə yekunlaşmışdı. 7 aydan bir qədər çox davam edən həsrət sabah başa çatacaq. Heç şübhəsiz, tribunalarda tovuzlu azarkeşlərin ənənəvi çılğınlığını görəcəyik. Ancaq hər şey bununla bitmir. Süni ot örtüyü təbii ilə əvəzlənən stadiona təşrif buyuran tərəfdarlar sevimli komandalarından qələbə tələb edəcək. Bu, həm qayıdışın taclandırılması, həm də liderliyin qorunması üçün vacibdi. Axı çempionluğa iddialı komanda başqa nəticə tanımamalıdı. “Turan Tovuz” rəqibin ötən tur “Qarabağ”dan xal qoparan “Şamaxı” olduğunu da diqqətdə saxlamağa məcburdu. Hər halda, qonaqlar Tovuza azı bir xal üçün gələcək.

Komandalar indiyə qədər 8 dəfə üz-üzə gəlib. Bunların 4-də “bozqurd”, 1-də “şirlər” qələbə qazanıb, 3-də qalib müəyyənləşməyib. Topların nisbətində “Turan Tovuz” öndədi – 11:9.

Sumqayıt – Araz-Naxçıvan
“Sumqayıt”ın bu rəqiblə ev oyunlarının balansı: 4:+2=1-1, 3:1.
Cəzalı: Səbuhi Abdullazadə (Sumqayıt).
“Futbol+”in proqnozu: 30-40-30.
Hakimlər: TURAL QURBANOV, Asiman Əzizli, Zöhrab Abbasov, Elvin Bayramov.
VAR hakimi: Əliyar Ağayev.
VAR hakiminin köməkçisi: Akif Əmirəli.
Hakim-inspektor: Ömər Paşayev.
AFFA nümayəndəsi: Bəhram Qurbanov.
Sumqayıt, Mehdi Hüseynzadə adına şəhər stadionu. Saat 18.30.

Söhbət ölkəmizi avrokuboklarda təmsil etmək niyyətində olan komandaların duelindən gedir. Hazırda hər iki tərəfin qənaətbəxş formada olduğunu deyə bilərik. Ancaq “Sumqayıt” “doğma divarlar” arasında daha diqqətli davranmağa məcburdu. Ona görə ki, mümkün qələbə “kimyaçılar”ı ilk “dördlüy”ə daşıyacaq. Qonaqlar isə təbii ki, mövqeyini möhkəmləndirmək uğrunda mübarizə aparacaq. “Qırmızı-ağlar” səfərdən başıuca, alnıaçıq qayıtmaqla həm ötən həftə Masazırda itirilən xalları kompensasiya etməli, həm də iddiasından əl çəkmək istəmədiyini ortaya qoymalıdı.

Komandalar indiyə qədər 8 dəfə qarşılaşıb. Bunların 2-də “Sumqayıt”, 3-də “Araz-Naxçıvan” qalib gəlib, 3-də “sülh” qeydə alınıb. Topların nisbətində Muxtar Respublika təmsilçisi öndədi – 6:5.

3 noyabr
Sabah – Qəbələ
“Sabah”ın bu rəqiblə ev oyunlarının balansı: 12:+9=0-3, 23:10.
2018/19 – 1:0, 0:1; 2019/20 – 0:1, 3:2; 2020/21 – 3:0, 1:0; 2021/22 – 0:2, 3:0; 2022/23 – 2:1, 3:2; 2023/24 – 5:0, 2:1.
Cəzalı: yoxdu.
“Futbol+”in proqnozu: 50-30-20.
Hakimlər: FƏRİD HACIYEV, Rəhman İmami, Şirməmməd Məmmədov, Kamran Əliyev.
VAR hakimi: Nicat İsmayıllı.
VAR hakiminin köməkçisi: Eyyub İbrahimov.
Hakim-inspektor: Orxan Məmmədov.
AFFA nümayəndəsi: Asif Əliyev.
Bakı, “Bank Respublika Arena”. Saat 19.30.

8-ci turda “Zirə”ni darmadağın edən “Sabah” ötən həftə “Araz-Naxçıvan”ı da məğlub edə bilərdi. Ancaq son dəqiqədə buraxılan qolla qələbəni əldən verən Masazır təmsilçisi həm də turnir cədvəlindəki mövqeyini yaxşılaşdırmaq imkanını qaçırdı. Bu üzdən bazar ertəsi növbəti fürsəti dəyərləndirməyə çalışacaq. Premyer-liqada qalmağa çalışan, lakin hələ işləri yolunda getməyən “Qəbələ” isə səfərdən əliboş qayıtmamaq üçün tər tökməlidi. Öz aramızdı, bölgə təmsilçisi hər uğursuzluqda bir addım geri gedir.

Komandalar indiyə qədər 23 dəfə üz-üzə gəlib. Bunların 13-də “Sabah”, 7-də “Qəbələ” 3 xalı bayram edib, 3-də qalib müəyyənləşməyib. Topların nisbətində “bayquşlar” öndədi – 38:22.

1 noyabr
Karvan-Yevlax – Zirə 2:3
İmani Barker, 29. Kayl Spens, 62 - Brahim Konate, 57. Leroy Mikels, 74. Ayron Qomis, 87
“Karvan-Yevlax” bu rəqiblə ilk dəfə qarşılaşacaq.
Cəzalı: yoxdu.
“Futbol+”in proqnozu: 20-30-50.
Hakimlər: KAMRANBƏY RƏHİMOV, Cəmil Quliyev, Teymur Teymurov, Vüqar Həsənli.
VAR hakimi: Elçin Məsiyev.
VAR hakiminin köməkçisi: Rahil Ramazanov.
Hakim-inspektor: Əmrah İbrahimov .
AFFA nümayəndəsi: Elman Musayev.
Şamaxı, şəhər stadionu. Saat 14.00.

Neftçi – Kəpəz 5:1
Emin Mahmudov, 18-p., Vensan Abubakar, 23. Bassala Sambu, 73; 87. Freddi Varqas, 90+1 - Sadiq Şəfiyev, 76
“Neftçi”nin bu rəqiblə ev oyunlarının balansı: 32:+19=7-6, 62:27.
1992/93 – 2:1, 2:0; 1993/94 - -:+*; 1994/95 – 0:0; 1995/96 – 3:2, 2:3**; 1996/97 – 2:0; 1997/98 – 0:1; 1998/99 – 1:3, 3:0; 1999/2000 – 3:1; 2000/01 – 1:0; 2001/02 – 2:0, 0:0; 2003/04 – 3:0; 2004/05 – 2:0; 2005/06 – 1:2; 2010/11 – 6:2; 2011/12 – 2:0; 2012/13 – 4:1; 2015/16 – 0:0, 2:3; 2016 /17 – 2:0, 0:0; 2017/18 – 0:0, 1:0; 2022/23 – 5:2, 2:2; 2023/24 – 2:0, 5:1; 2024/25 – 2:1, 2:2.
* - texniki nəticə top fərqinə daxil edilməyib.
** - neytral meydanda keçirilib.
Cəzalı: Məmməd Hüseynov (Kəpəz).
“Futbol+”in proqnozu: 50-30-20.
Hakimlər: RƏVAN HƏMZƏZADƏ, Pərvin Talıbov, Gülnurə Əkbərzadə, Əkbər Əhmədov.
VAR hakimi: Rauf Cabbarov.
VAR hakiminin köməkçisi: Namiq Hüseynov.
Hakim-inspektor: Zöhrab Qədiyev.
AFFA nümayəndəsi: Azər Əsgərov.
Bakı, “Palms Sports Arena”. Saat 17.00.

Bu komandaların duelləriylə bağlı maraqlı məqamlar
// “Turan Tovuz” son 6 görüşdə uduzmayıb. Tovuz təmsilçisi bütün matçlarda qol vurub.
// “Araz-Naxçıvan” son 4 görüşdə qol buraxmayıb. “Sumqayıt”ın ev oyunlarında qol vuran komanda qalib gəlir.
// “Qəbələ” son üç oyunda qol vurub. “Sabah” son 5 ev matçında qalib gəlib.

KƏNAN BAHADIR