“Barselona” ciddi itki ilə üzləşib.

"Football-plus.az" xəbər verir ki, komandanın gənc yarımmüdafiəçisi Pedri növbəti dəfə zədə alıb. Klubun mətbuat xidmətinin yaydığı məlumata görə, 22 yaşlı futbolçunun sol ayağının əzələsində problem aşkarlanıb. Pedrinin bərpa prosesi təxminən üç həftə çəkəcək və o, bu müddətdə komandasına kömək edə bilməyəcək.

İspaniyalı oyunçu noyabr ayında milli komandaların matçları ilə bağlı yaranacaq fasilədən sonra meydana dönəcək. O, bu müddət ərzində La Liqada “Elçe” və “Selta”, Çempionlar Liqasında isə “Brügge” ilə oyunları buraxacaq.

Pedri cari mövsümdə komandası ilə 13 oyuna çıxaraq 2 qol və 2 assistlə yadda qalıb.