Kəpəz (Gəncə) - İmişli 0:3 (0:1)
22. Məmməd Hüseynov - 3,0
27. Məqsəd İsayev - 5,0
38. Cefferson Bentu - 4,5
29. Dioqo Verdaşka (k) - 4,5
88. Şakir Seyidov - 3,0
24. Olavale Onanuqa - 3,0
(99. Əli Səmədov, 65) - 2,0
77. Fərid Nəbiyev - 4,0
(21. Sadiq Şəfiyev, 71) - 4,0
12. Mahamadu Ba - 4,0
10. Rinosuke Ohori - 4,5
(7. Ehtiram Şahverdiyev, 65) - 4,5
11. Vitor Feyjao - 4,5
(55. Kresus Donqo, 65) - 4,0
9. Luis Paçu - 3,5
(1. Kasper Rosa, 37) - 3,5
Ehtiyat oyunçular
5. Rauf Hüseynli
17. Ümid Səmədov
15. Raul Məmmədov
53. Şahmar Aşurov
20. Elcan Əbilov
23. Fərid Kələntərov
66. Arzu Atakişiyev
Baş məşqçi: Azər Bağırov
Komandanın ən yaxşısı: Məqsəd İsayev

33. Andrey Sinenka - 5,0
94. Rafael Vieqas - 4,5
19. Azər Salahlı - 5,5
23. Dioqo Rollo - 5,0
14. Ronaldo Rodriges - 5,0
29. Edvin Banquera - 5,5
(44. Həzrət İsayev, 80) - qiymətsiz
6. Yau Mozes - 5,5
(5. İdris İnqilablı, 46) – 4,5
21. Abbas Ağazadə - 6,0
(17. Ezekiel Morqan, 70) - 4,0
7. Juninyo - 6,5
11. Vüsal Qənbərov - 5,5
(97. Həzrət İsayev, 38) - 4,5
9. Dioqo Almeyda - 5,5
(10. Nikola Karakliaç, 80) - qiymətsiz
Ehtiyat oyunçular
1. Hüseynəli Quliyev
77. Elmir Rəhimzadə
22. İbrahim Əliyev
3. Tuncay Yusifli
Baş məşqçi: Jorj Kaşkilya
Komandanın ən yaxşısı: Juninyo

Qollar: Juninyo, 45+3 (0:1, A.Ağazadə). D.Almeyda, 60 (0:2, E.Banquera). R.Vieqas, 85 (0:3, X.Mahmudov).
Vərəqələr: O.Onanuqa, 44 (hakimin qərarına etiraz). A.Ağazadə, 52 (qeyri-idman hərəkəti). İ.İnqilablı, 57 (qeyri-idman hərəkəti) - sarı. M.Hüseynov, 25 (ciddi qayda pozuntusu) - qırmızı.
Hakimlər: KAMAL UMUDLU, Vüsal Məmmədov, Zöhrab Abbasov, İslam Məmmədov (hamısı Bakı).
VAR hakimi: Cavid Cəlilov (Bakı).
VAR hakiminin köməkçisi: Müslüm Əliyev (Bakı).
Hakim-inspektor: Rəhim Həsənov (Bakı).
AFFA nümayəndəsi: Eldar Məmmədov (Bakı).
24 oktyabr. Qəbələ. Şəhər stadionu. 400 tamaşaçı (4500 yerlik).
Birinci hissəyə 5, ikinci hissəyə 4 dəqiqə əlavə olunub.
Oyunun qiyməti: 6,0.

Komandalar ilk 8 turda fərqli nəticə göstərmişdi. “İmişli” artıq elitada möhkəm ortabab kimi tanınırsa, “Kəpəz” növbəti dəfə yalnız və yalnız elitada qalmağın planlarını qurmaqdadı. Düzdü, gəncəlilər ötən tur səfərdə “Şamaxı”nı darmadağın etməklə azarkeşlərinin qəlbində ümid işığı yandırmışdı. “Sarı-göylər”in “İmişli”nin öhdəsindən gələ biləcəyinə də inananlar çox idi. Amma Qəbələdki qarşılaşmanın 25-ci dəqiqəsinə qədər...

Oyun elə də sürətli başlamadı. İlk təhlükəli vəziyyət qonaqlardan gəldi. 10-cu dəqiqədə Almeyda qapıçı ilə üzbəüz qalsa da, topu qapıdan keçirə bilmədi. Məmməd əla seyv etdi. Bu epizodun qəhrəmanı 25-ci dəqiqədə topa yiyələnməyə çalışan Vüsal Qənbərova qarşı elə kobudluq etdi ki, hakim dərhal qapıçıya qırmızı vərəqə göstərdi. Kaşkilya isə bir qədər sonra əsas hücumçusu Paçunu meydandan aldı, Rosani “döyüşə atdı”. Say üstünlüyündən istifadə edən “İmişli” hissənin sonunda hesabını açdı. Abbasın ötürməsindən sonra Juninyo baxımlı qol vurdu. Hissənin sonlarında “Kəpəz”in hesabı bərabərləşdirmək cəhdləri fayda vermədi.

İkinci hissədə isə birmənalı şəkildə “İmişli” dominantlıq etdi. Aran təmsilçisinin bir neçə real qol imkanı oldu. 54-cü dəqiqədə Juninyo cərimə meydançası daxilindən “çərçivə”yə düşə bilmədi. 6 dəqiqə sonra Banqueranın ötürməsindən sonra Almeyda fərqi artırdı. “Kəpəz” intriqanı artırmaq üçün irəli atılanda isə qapısından daha bir qol buraxdı. 76-cı dəqiqədə İdris, bir dəqiqə sonra Almeyda aşkar qol imkanı əldən versə də, Vieqas 85-ci dəqiqədə Xəzərdən aldığı topu yaxın küncə göndərərək darmadağını rəsmiləşdirdi. “İmişli” xalını 12-yə çatdırdısa, “Kəpəz” yenidən azarkeşlərini dərin məyusluğa qərq etdi.

Gözdən qaçmadı
* “Küdrü Qartallar” 4, “Kəpəz Ultras” 6 nəfərlə tribunada idi. “Qəbələ”nin çalışdırıcı Kaxaber Sxadadze də oyunu izləyənlər arasındaydı.
* Vüsal Qənbərov stadiondan birbaşa xəstəxanaya aparıldı.
* Məqsəd İsayev dostuna azarkeşlərdən giley etdi: “10 nəfərlə qalmışıq, yenə danışırlar”.

MÜZƏFFƏR QULUZADƏ