“Transfermarkt” Avropanın futbol çempionatlarındakı oyunçuların ümumi dəyərləri ilə bağlı yeni siyahı dərc edib.

"Football-plus.az" xəbər verir ki, hazırda qitənin ən dəyərli çempionatı İngiltərə premyer-liqasıdı.

Yay “transfer pəncərəsi” bağlanandan sonra bu liqadakı oyunçuların ümumi qiyməti 756,25 milyon avro artaraq 12,78 milyard avro olub. Çempionatın ən baha komandası “Arsenal”dı. London klubunun oyunçularının ümumi qiyməti 1,21 milyard avroya bərabərdi. “Mançester Siti” 1,21 milyard avro ilə 2-ci yerdədi.

Qitənin 2-ci ən dəyərli liqası İspaniya La Liqasıdı - 5,57 milyard avro. 3-sü yerdə isə İtaliya A seriyasıdı - 5,44 milyard avro.