“Sabah” və “Qarabağ”la oyunlarda 11 nəfərə qarşı yox, həm də hakimlərə qarşı vuruşuruq” – şok iddia
“Turan Tovuz” Milsi premyer-liqasının “Azərsun Arena”da keçirilən 8-ci tur matçında “Qarabağ”a uduzdu – 1:2.
Maraqlıdı ki, çempionluğa iddialı komandaların duelində cəmi 1000 azarkeş var idi. Halbuki tovuzluların ev oyunu sayılan qarşılaşmada daha çox tərəfdarın olacağı gözlənilirdi. Axı komandanın ən böyük fanklubu olan “Ultras Turan”ın rəhbəri Kamal Saqqayev saytımıza açıqlamasında tribunalarda anşlaq olacağını demişdi.
Bəs 4677 tamaşaçı tutumumuna malik olan stadionda niyə xeyli oturacaq boş qaldı? Bu sualla yenidən Kamal bəyə müraciət etdik. Onun “Football-plus.az”a cavabı:
“Fikrimiz tam fərqli idi. Matçın cümə günü keçirilməsi planları pozdu. Sayımızın daha çox olmasını istəyirdik. Oyunun Bakıda keçirilməsi də problem yaratdı. Fanklubun əksər üzvləri işdə oldu”.
“Turan Tovuz” azarkeşindən oyun haqda fikirlərini də soruşduq:“Komandadan razıyıq. Həmişə “Turan Tovuz”un yanındayıq. Bir şeydən narazıyıq: “Sabah” və “Qarabağ”la oyunlarda 11 nəfərə qarşı yox, həm də hakimlərə qarşı vuruşuruq. Rəqib “Qarabağ” olanda simpatiya bəsləməlidilər? Biz də “Turan Tovuz”uq! “Qarabağ”ın almalı olduğu qırmızı vərəqə verilmədi. Haqq-ədaləti qorumaq lazımdı. Futbolun inkişafından danışırıq. Ancaq hansısa inkişafdan söhbət gedə bilməz. Komandamıza növbəti oyunlarda uğurlar arzulayırıq”.
Xatırladaq ki, “bozqurd” 15 xalla 2-ci pillədə qərarlaşıb.KƏNAN BAHADIR
Digər xəbərlər
