“Hamısı fanat deyil, oyunu elə-belə izləyənlər də var” – “İmarət Tayfa” tovuzluların “bostanına daş atdı”
Misli premyer-liqasının 8-ci turunda çempionluğa iddialıların - “Turan Tovuz”la “Qarabağ”ın üz-üzə gələcəyindən xəbərdarsız.
Tovuzlu azarkeşlərin bu matça çox ciddi hazırlaşdığını yazmışıq. Onlar tribunalarda anşlaq yaradaraq sevimli komandalarının liderliyi möhkəmləndirə bilməsi üçün əlindən gələni edəcək.
Bəs, “Qarabağ” azarkeşləriylə bağlı durum nə yerdədi? Onlar çoxlu sayda tovuzlu tərəfdara müqavimət göstərə biləcəkmi?
Bu suallarla “İmarət Tayfa”nın təsisçilərindən olan Elnur Quliyevə müraciət etdik. Onun “Football-plus.az”a cavabı:
“Turan Tovuz” yaxşı komandadı. Bu rəqibə simpatiyamız var. Amma “İmarət” “İmarət”di. Biz 5 nəfərlə də eyniyik, 100 nəfərlə də. Tribunalarda canımızı qoyacağıq. 10 azarkeşin əzəvinə 1 azarkeş qışqıracaq. O başqa məsələ ki, tovuzluların hamısı fanat deyil, oyunu elə-belə izləyənlər də var. Hamısı fanat olsa, qarşılarında dayanmaq mümkünsüz olar. Əsas fanklublardı ki, onlara qarşı komandamızı maksimum dəstəkləyəcəyik”.
Xatırladaq ki, qarşılaşma oktyabrın 17-si, saat 19.00-da “Azərsun Arena”da keçiriləcək.KƏNAN BAHADIR
Digər xəbərlər
