Ukrayna ilə oyundan (1:2) sonra Mahir Emreli mediaya açıqlama verib. 28 yaşlı futbolçu “insanların narazı olduğu məqamı anlaya bilmirəm”, “Fransaya 45 dəqiqə ərzində qol imkanı verməmişdik” kimi fikirlər səsləndirib. İkinci ifadədən başlayaq, sonra özünə gələrik.

Mahir, dəqiq oyundaydın? Heç 20 saniyə tamamlanmamışdı, ürəyimiz ağzımıza gəldi. Bir neçə dəqiqə sonra isə Hüsto Mbappe ilə paslaşıb, yaxşı zərbə endirdi. Bu kimi bir neçə epizod da saymaq olar. Meydanda xeyir verməməyin başqa, deyəsən, heç oyunu da izləmirsən. Biz də deyirdik ki, oyunu biz televiziyadan izləyirik, Mahir isə meydanda. Heç meydandan da izləmirsən...

Gələk birinci ifadəyə. İnsanların səndən narazı olduğu məqamı necə anlamaya bilərsən ki?! Kor-kor, gör-gör, hər şey ortadadı. Bir neçə dəfə kəsərli hücumların qarşısını kəsdin, vacib anda yanlış qərarlar verdin... Daha nə olsun ki? Problem odu ki, tənqidləri anlaya bilmirsən. Bəlkə də anlasaydın, heç olmasa, öz komandanda sonradan meydana çıxardın. Bütün indiyəqədərki komandalarında baş məşqçilər, oyundaşların da səhvlərini deyəndə “anlaya bilməmisən”. Özünə İbrahimoviçi kumir seçə bilərsən, amma onun eqosuna çatmaq üçün faydalı iş əmsalını artırmalısan.

MÜZƏFFƏR QULUZADƏ