“Şaxtyor” Ukrayna çempionatında əvvəllər yalnız “Dinamo”dan 4 top buraxırdısa, indi bu adi hal alıb.

"Football-plus.az" xəbər verir ki, buna qədər cəmi 5 top vuran LNZ Donetsk klubu ilə oyunda coşdu. Vitali Ponomarenko taktiki mübarizədə həmkarı Arda Turanı açıq-aşkar üstələdi. Söhbət heç də təkcə tablodakı hesabdan getmir. LNZ inanılmaz sürət və yüksək komanda pressinqi ilə rəqibi dalana dirədi.

Belə plan anlaşılan idi: cümə axşamı Aberdində hədsiz enerji sərf edən “şaxtaçılar”ın bərpa üçün o qədər çox vaxtı olmamışdı. Deməli, Ardanın komandası ciddi təzyiqə uzun müddət davam gətirməyəcəkdi. Türkiyə mütəxəssis bunu çox gec anladı, 2-ci hissədə dəyişikliklərə əl atdı. Ancaq sonradan meydana çıxan futbolçular oyunu gücləndirmədi, həm də yorulan və kobud səhvə yol verən hər kəsi əvəz etmək mümkünsüz idi. Belədə LNZ tarixi qələbə qazandı.

“Dinamo” ardıcıl 4-cü çempionat oyununda – bu dəfə “Metallist 1925” ilə - xal itirdi. Kiyevlilərin məğlubiyyətsiz oyunlar seriyası davam etsə də, gerçəklik budu ki, onlar yığma fasiləsinə 2-ci pillədə yollandı, “Krivbass”ı yalnız əlavə göstəricilərdə qabaqlamaqla.

Turun qalan oyunlarına gəlincə, “Krivbass” “Kudrovka” üzərindəki inamlı qələbə ilə liderlər qrupunda qaldı. Ötər tur ardıcıl 3-cü qələbəsini qazanmaqla klub rekordu müəyyənləşdirən “Polesye” bu seriyanı 4-ə çatdırdı. Jitomirlilər “Poltava”nı darmadağın etdi. “Kolos” – “Rux”, “Aleksandriya” – “Karpatı” oyunları 0:2 hesabıyla bitdi. Evdə “Zarya”ya uduzan debütant “Episentr” yığma fasiləsinə sonuncu pillədə yollandı. “Obolon” – “Veres” oyununda komandalar hərəyə bir qol vurdu.

8-ci tur
Dinamo – Metallist 1925 1:1
Voloşin, 35 – Litvinenko, 58.
Dinamo: Neşeret, Vivçarenko, Karavayev, Belovar (Zaxarçenko, 30), Tiare, Voloşin, Buyalski (Pixalenok, 60), Mixaylenko, Şaparenko (Brajko, 75), Şola (Kabayev, 60), Gerrero (Blenutse, 75).

Şaxtyor – LNZ 1:4
Nazarina, 85 – Kuzık, 14. Assinor, 61. Ryabov, 71. Prosper, 89.
Şaxtyor: Riznık, Pedro Enrike (Azarov, 57), Matviyenko, Bondar, Konoplya, Pedrinyo, Bondarenko (Ferreyra, 57), Oçeretko (Nazarina, 81), Qomes (Neverton, 57), İzaki (Elias, 62), Meyrelles.

Krivbass – Kudrovka 3:1
Tverdoxleb, 15. Mendosa, 77; 89 – Kemkin, 90+1-öz qapısına.

Polesye – Poltava 4:0
Veleten, 13. Braqaru, 16. Sarapi, 30-p. Qayduçik, 82.

Kolos – Rux 0:2
Babukar, 48. Pritula, 77-p.

Aleksandriya – Karpatı 0:2
Bruninyo, 43-p. Kampuş, 71-öz qapısına.

Episentr – Zarya 1:2
Koş, 90+4 – Ancuşiç, 5. Vantux, 33.

Obolon – Veres 1:1
Kurko, 28 – Dubko, 15-öz qapısına.

1. Şaxtyor 8 5 2 1 15-8 17
2. Dinamo 8 4 4 0 22-11 16
3. Krivbass 8 5 1 2 16-11 16
4. Polesye 8 5 0 3 14-8 15
5. Metallist 1925 8 4 3 1 11-5 15
6. LNZ 8 4 2 2 9-7 14
7. Kolos 8 4 2 2 8-6 14
8. Karpatı 8 2 5 1 14-12 11
9. Zarya 8 3 2 3 11-10 11
10. Obolon 8 2 4 2 7-8 10
11. Kudrovka 8 3 1 4 12-14 10
12. Veres 8 2 2 4 6-9 8
13. Aleksandriya 8 2 1 5 9-15 7
14. Rux 8 2 0 6 6-16 6
15. Poltava 8 1 1 6 5-17 4
16. Episentr 8 1 0 7 8-16 3

Bombardir: Mendosa (Krivbass) – 5.

Növbəti turun oyunları oktyabrın 17-19-u aralığında keçiriləcək: Poltava – Obolon, Rux – Krivbass, Zarya – Dinamo, Kudrovka – Metallist 1925, Polesye – Şaxtyor, LNZ – Kolos, Veres – Aleksandriya, Karpatı – Episentr.