Oktyabrın 7-dən 8-nə keçən gecə Milli Hokkey Liqasında (MHL) 2025/26 mövsümü start götürəcək.

"Football-plus az" xəbər verir ki, “NHL Network” mövsüm ərəfəsində ən yaxşı 10 oyunçunun siyahısını açıqlayıb.

Teleşəbəkə belə hesab edir ki, “Edmonton”un forvardı Konnor Makdevid hazırda liqanın ən yaxşı oyunçusudu. Neytan Makkinnon (Kolorado) və Leon Drayzaytl (Edmonton) da ilk “3-lük”dədi.

10. Kvinton Hyuz (Vankuver)
9. Andrey Vasilevski (Tampa-Bey)
8. Konnor Hellebayk (Vinnipeq)
7. Sidni Krosbi (Pittsburq)
6. Aleksandr Barkov (Florida)
5. Nikita Kuçerov (Tampa-Bey)
4. Kayl Makar (Kolorado)
3. Leon Drayzaytl (Edmonton)
2. Neytan Makkinnon (Kolorado)
1. Konnor Makdevid (Edmonton)

Bu arada MHL-in iki klubu baş məşqçisi ilə müqaviləni yeniləyib. Kris Knoblaux “Edmonton”la yeni müqaviləyə imza atıb. 47 yaşlı mütəxəssis 2029/30 mövsümünün sonuna qədər “neftçilər”in “sükanı arxasında” olacaq. Knoblaux 2023-ün noyabrından bəri “Edmonton”a rəhbərlik edir.

Komanda son iki mövsümdə onun rəhbərliyi altında Stenli kubokunun finalına çıxıb və hər dəfə də “Florida”ya uduzub. “Kalqari” də Rayan Haska ilə müqavilənin müddəti iki il uzadıb. 50 yaşlı kanadalı bu komandada 3-cü mövsümünü keçirəcək. “Kalqari” 2024/25 mövsümündə Sakit Okean divizionunda 4-cü yeri tutub.