Başımızın bəlası qayıtdı! – “Qarabağ”ın işi çətinləşdi

“Football-plus.az”da dünən yer alan yazıda “Atletik”in Niko Uilyams ilə və onun yoxluğunda tam fərqli obrazlara büründüyünü vurğulamışdıq. Onu da xatırlatmışdıq ki, Türkiyə ilə sentyabrın 7-də sonra keçirilən oyunda zədəsi üzə çıxan 23 yaşlı Avropa çempionunun 6 həftə meydandan kənarda qalacağı gözlənilir. Amma zədənin bərpa müddəti heç bir ay da çəkmədi.

Niko dünən keçirilən “Atletik” – “Malyorka” oyununun 53-cü dəqiqəsində böyük qardaşı İnyakini əvəz etdi və... Dərhal da “Atletik” qələbə qazandı – 2:1. Halbuki basklar müxtəlif turnirlər çərçivəsində son 6 oyunda qələbəyə həsrət idi.

Nikonun meydana dönüşü o anlama gəlməsin ki, “Qarabağ” Bilbaoda xal qazana bilməz. Əlbəttə, qazana bilər və qazansa, çox yaxşı olar. Hə, sadəcə, işimiz bir qədər çətinləşdi.

ORXAN