“Zirə İdman Kompleksində keçirilən oyun zamanı asayişin heç bir halda pozulmamasına baxmayaraq, polislər tərəfindən bibər qazına məruz qaldığımıza görə oyun bitməmiş stadionu tərk etmək qərarı almışıq. Biz “Neftçi” azarkeşiyik. 16 ildi, sadəcə və sadəcə, tək bit məqsəd uğrunda birləşib komandamızı dəstəkləmişik. Bir çox yerdə təzyiqlə qarşılaşmışıq. Bu təzyiqlərlə xarici ölkədə qarşılaşmağımız nə qədər qəbul olunan görünsə də, biz bir çox hallarda öz liqa oyunlarımızda bunlarla qarşılaşırıq. Biz də bu ölkənin vətəndaşıyıq, biz də bu ölkədə yaşayırıq. Müharibə bitəndən sonra hər oyun 44-cü dəqiqədə şüar səsləndirməyə başlayan da bizlərik. Amma üzümüzə bibər qazı sıxılanda bizik. Baş verən hakim qalmaqallarına gəlincə, illərdi baş verən qərəzli qərarların yeni səhifəsini açdıqlarını düşünürük. 7 oyun ərzində lehimizə verilməyən penaltilər, əleyhimizə qapımıza təyin olunan cərimə və 11 metrlik zərbələr, qırmızı kart olmayan epizodda 3 oyunluq cərimələnən oyunçumuzun olması artıq sərgilədikləri planın tam olaraq açıq-aşkar görünməsidi. "Gözəl" insanlar, bir şeyi unudursuz. Bu komandanı yıxa bilməyəcəksiz. İstədiyiniz qədər büdrədin. Bu komanda bu ölkənin ən böyük komandasıdı!”