"Bizi yaxşı tanıyırsınız. Bütün ölkəyə azarkeşlik etdiyi komandanın pis günündə necə yanında olmağını məhz biz öyrətmişik. Yaxşı günləri də görmüşük, yaşamışıq, amma nə baş verirsə versin həmişə yanında, arxasında dayanmışıq. Atdığımız addımların, etdiyimiz hərəkətlərin hər birini sadəcə və sadəcə "Neftçi" üçün etmişik.

Nə qədər tarixinin ən pis günlərini yaşasa belə biz yenə ona sahib çıxmışıq, bundan sonra da çıxacağıq. Çöküşün, uçurumun bir addımlığında olan komandamızı xilas etmək və bu gedişata son vermək üçün sonuncu dəfə əlimizi uzadırıq.

Biz heç vaxt bu klubun ətrafda məzə obyektinə çevrilməsinə icazə verməyəcəyik. Kimlərsə razılaşa, qəbullana, hətta bu vəziyyətlə barışa bilər. Amma bu bizə aid olmayıb, olmayacaq da. Bu komanda ya yüksək yerdə olacaq, ya da olacaq. İstisnadan söhbət belə gedə bilməz.

Qəlbi "Neftçi" ilə, "Forza" ilə döyünən hər bir kəsi gözləyirik. Fərqinizi anlayın ! Gəlib ölkənin ən böyük klubuna sahib çıxın!"