“ÇL-in payız hissəsinin oyunlarının son 8 ildə keçirilmədiyi Bakı “Qarabağ”ın güc mövqeyindən necə oynadığını gördü. “Benfika” ilə Lissabondakı oyunda yaşanan qeyri-adi geridönüşdən sonra Qurban Qurbanovun komandasından məhz bunu gözləyirdilər.

Azərbaycan çempionunun ilk yarıdan sonra hesabda böyük fərq yaratmamasının səbəbi Kotarskinin fərdi xidməti ilə bağlıdı. “Kopenhagen”i müntəzəm xilas edən qolkiper yalnız Bikalyonun dirəkdən dönən zərbəsini Zubir tamamlayanda təslim oldu. “Qarabağ”ın kapitanı təəccüb doğuran sabitlik göstərir, avrokubokların son 8 mövsümündə payız oyunlarında fərqlənib.

Mbappe, Keyn, Salah, Lautaro Martines, Qrizmann kimi futbolçular belə göstərici ilə öyünür. Ancaq Zubirin qolu qələbə üçün bəs etməyə bilərdi, ona görə ki, danimarkalılar 2-ci hissənin gedişində təşəbbüsü ələ aldılar. Sonda əvvəlcə tir meydan sahiblərini xilas etdi, ardından Addai uzaq məsafədən qapının aşağı küncünü “nişan aldı”.

“Qarabağ” iki qələbə qazanmaqla ideal start götürüb. Bu isə ötən mövsümlə təzad təşkil edir. Onda Azərbaycan çempionu Avropa Liqasının əsas mərhələsində 3 xal toplamaqla sonuncu – 36-cı yeri tutdu. İndi isə pley-offa vəsiqəyə ümid etmək olar. Perspektiv baxımından növbəti turdakı “Atletik”lə səfər oyunu çox vacibdi”.