Lionel Messi tezliklə şayiələrə son qoyacaq.

"Football-plus.az" xəbər verir ki, “İnter Mayami” rəhbərliyi onunla yeni müqavilə ilə bağlı danışıqları uğurla başa çatdırıb.

İnsayder Nikola Skiranın məlumatına görə, 38 yaşlı futbolçu ilə ABŞ klubunun rəhbərliyi bütün şərtlərlə bağlı razılığa gəlib. Yeni müqavilənin müddəti 2028-ci ilin sonuna qədər nəzərdə tutulub. Müqavilədə erkən xitam variantları da var: dünya çempionu müqaviləni 2026-cı, klub isə 2027-ci ilin sonunda ləğv edə bilər.

Lionelin hazırkı müqaviləsinin müddəti 2025-ci il dekabrın 31-də sona çatacaq. O, “İnter Mayami”də 2023-cü ilin yayından çıxış edir. Argentinalı hücumçu komandada keçirdiyi 69 matçda 58 qol vurub və 28 məhsuldar ötürmə edib.