“Qəbələ”nin futbolçusu Norveçə qarşı oynadı

“Qəbələ”nin futbolçusu Salihu Nasiru Çilidə keçirilən gənclər (U-20) dünya çempionatında Nigeriya millisinin ilk oyununda meydana çıxıb.

"Football-plus.az" xəbər verir ki, Nigeriya komandası start oyununda Norveçə 0:1 hesabı ilə məğlub olub. Nasiru start heyətində yer alıb və görüşün 78-ci dəqiqəsində əvəzlənib.

Qeyd edək ki, Nigeriya millisi növbəti oyununu oktyabrın 3-də Səudiyyə Ərəbistanı yığması ilə keçirəcək.