De Blekere "Turan Tovuz"un sayılmayan qolunu "Futbol+" üçün şərh etdi! - Həmzəzadə səhvə yol verib?
Misli premyer-liqasının 5-ci turunun "Sabah" - "Turan Tovuz" matçındakı mübahisəli hakim qərarından xəbərdarsız.
Xatırladaq ki, laysman Gülnurə Əkbərzadə 21-ci dəqiqədə topu qapıdan keçirən Joarlem Santosun Roberto Olabenin ötürməsi zamanı oyundakənar vəziyyətdə olduğunu bildirdi. Belədə epizodu VAR-da incələyən baş hakim Rəvan Həmzəzadə həmkarının qərarını təsdiqlədi. Başverənləri izləyən hər kəs Santosun qolu qaydalar çərçivəsində vurduğunu gördü. İş ondadı ki, ofsaydda olan Santos yox, Aleks Souza idi. Bəs, qol niyə sayılmadı?
Bu sualla AFFA Hakimlər Komitəsinin sədri Frank De Blekereyə müraciət etdik. Onun "Football-plus.az"a cavabı:
"Bəli, "Turan Tovuz"un qol epizodunda köməkçi hakim ofsayd bayrağı qaldırdı. Bu epizod faktiki qərar hesab olunmadığından, VAR protokola uyğun şəkildə baş hakimi - Rəvan Həmzəzadəni monitora dəvət etdi və yekun qərarı onun verməsinə şərait yaratdı. Ardından epizod VAR-da yoxlanıldı. Göründü ki, Souza ofsayd vəziyyətindədi, Santos isə yox. Lakin ofsayd vəziyyətində olan Souza Rəhman Daşdəmirova çox yaxın məsafədə olduğundan, onun topa oynamaq imkanına təsir göstərir. Bu o deməkdi ki, qol düzgün şəkildə ləğv olunub".
KƏNAN BAHADIR
Digər xəbərlər
