AFFA Hakimlər Komitəsinin sədri Frank De Bleker Misli premyer-liqasının 11-ci turundakı oyunlarda baş vermiş mübahisəli epizodlarla bağlı açıqlama verib.

"Football-plus.az" xəbər verir ki, qurum rəsmisi “Səbail” – “Turan Tovuz” matçında verilən hakim qərarlarını doğru hesab edir:

42-ci dəqiqə: “Səbail”in oyunçusu (Mert Çelik) topu cərimə meydançasından uzaqlaşdırır. O, yerə enərkən “Turan Tovuz”un oyunçusunun (İsmayıl Zülfüqarlı) ayağını tapdalayır və Zülfüqarlı yerə yıxılır. Hakim penalti təyin edir. “Səbail”in müdafiəçisi rəqibin ayağına qəsdən təmas etməsə də, hakimin bu qayda pozuntusunu penalti ilə cəzalandırması doğrudu.

“Turan Tovuz”un oyunçusu (Kristian da Silva) penalti zərbəsini yerinə yetirir və topu dirəyə vurur. Top meydana qayıdır və “Turan Tovuz”un oyunçusu (Ayxan Quseynov) topu birbaşa qapıya vurur. Hakim bu qolu təsdiqləyir və VAR penalti zərbəsini yoxlayır. VAR görür ki, 11 nömrəli oyunçu zərbə zamanı təyin olunmuş məsafəyə riayət etmir (qayda pozuntusu) və mövqeyindən üstünlük qazanaraq müdaxilə edir. Oyun Qaydalarına 2024-cü ildə edilmiş dəyişikliklərə əsasən, qol ləğv edilməli və oyun sərbəst zərbə ilə bərpa olunmalıdı. Hakimin və VAR-ın yekun qərarı doğrudu.