Bu mövsüm yay “transfer pəncərəsi” əvvəkilərdən fərqləndi.

Ölkə çempionatında legioner limiti götürülüb deyə, artıq klublar daha həvəslə əcnəbilərə qucaq açır. Demək olar ki, bütün klublar legioner futbolçuları prioritet saydılar və transferləri bunun üzərindən etdilər. Bəs hansı klublar daha baha futbolçuları transfer edib?

Falaye Sako. 1,5 milyon avro “transfermarkt” dəyəri olan Mali əsilli futbolçu bu mövsüm ölkəmizə gələn ən dəyərli iki futbolçudan biridi. 30 yaşlı sağ cinah müdafiəçisi Fransanın 2-ci liqasında yarışan “Monpelye”dən “Neftçi”yə transfer olub.

Timoteuş Puxaç. 1,5 milyon milyon “transfermarkt” dəyəri olan növbəti yeni transfer. “Pəncərə”nin bağlanmasına saatlar qalmış “Sabah”ın həyata keçirdiyi üç transferdən biri olan sol cinah müdafiəçisi. 26 yaşlı futbolçu Almaniyanın “Holştayn” klubundan birilliyə icarəyə götürülüb.

İmad Faraj. “AEK Larnaka”dan “Neftçi”yə keçən sağ cinah vingerinin 1 milyon “transfermarkt” dəyəri var. Böyük ümidlərlə gətirilən fransalı futbolçu hələ ki etimadı doğrultmur.

Pedro Bikalyo. 1 milyon “transfermarkt” qiyməti olan dayaq yarımmüdafiəçisi “pəncərə”nin ilk transferlərindəndi. Portuqaliyanın 2-ci liqa təmsilçisi “Alverka”dan gəlib. Artıq Qurbanovun əsas fiqurlarından birinə çevrilən Bikalyo “Qarabağ”ın əvəzedilməzlərindəndi.

Aleksey İsayev. 900 min “transfermarkt” dəyəri olan futbolçu iki mövsüm əvvəl 500 min manata “Sabah”dan “Qarabağ”a transfer olmuşdu. İndi isə 150 min manata “Qarabağ”dan “Sabah”a qayıtdı. Hazırda zədəli olsa da, komandaya xeyir verə bilər. Necə ki, Murad Musayev dönəmində hazırda “Qarabağ”ın uğurları üçün tər tökən adaşı Aleksey Kaşukla birgə komandanın liderlərindən idi.

MÜZƏFFƏR QULUZADƏ