Serxio Buskets karyerası ilə bağlı vacib qərar vermək ərəfəsindədi.

Məşhur ispaniyalı futbolçu yaşıl meydanı tərk etməyə hazırlaşır.

“İnter Mayami”nin yarımmüdafiəçisi ilə bağlı xəbəri “USA Latino” yayıb. ABŞ nəşrinin məlumatına görə, 37 yaşlı futbolçu qərarını dekabrda - MLS-də mövsüm sona çatanda açıqlayacaq. Qeyd edək ki, Serxio “İnter Mayami”də 2023-cü ilin yayından çıxış edir. “Barselona”nın yetirməsi bu komandanın heyətində meydana çıxdığı 722 oyunda 18 qol vurub və 46 məhsuldar ötürmə verib. Busketsin İspaniya yığması ilə dünya və Avropa çempionu olduğunu da yada salaq.