Tural Dadaşov, özü də Bakıdan…
Bu axşam Avropa kuboklarındakı yeganə təmsilçimiz “Qarabağ” “Benfika” önünə çıxacaq. Artıq xəbər verdiyimiz kimi, “köhlən atlar”ın ÇL-də səfər oyununu İTV yayımlayacaq.
Bəs oyun Bakıdan, yoxsa Lissabondan şərh olunacaq? İTV Portuqaliyanın paytaxtına şərhçi göndəribmi? Bu məqamı kanalın İdman Departamentinin rəhbəri Kənan Hakimovla dəqiqləşdirdik. Bəlli oldu ki, oyunu Tural Dadaşov, özü də Bakıdan şərh edəcək.
Qeyd edək ki, “Qarabağ” “Ferentsvaroş”la səfər oyununa da təyyarədə yer olmadığı üçün “CBC Sport”un şərhçisini aparmamışdı. Çox maraqlıdı…
Xatırladaq ki, oyun Bakı vaxtı ilə 23.00-da start götürəcək.
MÜZƏFFƏR QULUZADƏ
