“Qarabağ” ora birbaşa getdiyi üçün şərhçi göndərə bilmədik. Cəbəllütariq də yaxın məsafədə deyil, giriş-çıxış məsələləri bir az problem yaradır. Yayını təşkil etmişik və müqavilələri bağlamışıq. Çəkiliş qrupumuz orda yoxdu. Adətən, çəkiliş qrupumuzda şərhçiylə birgə operatorumuz gedir. Bu dəfə isə alınmadı. İnşallah, növbəti səfər matçlarında alınacaq. Həm də avrokuboklardakı səfər oyunlarını heç vaxt biz çəkmirik. Həmin görüşləri yayınçı şirkət çəkir və biz danışırıq. Azərbaycanda UEFA-nın yayınçı şirkəti “CBC Sport”du. Digər ölkələrdə də fərqli telekanallardı. Biz onlarla əlaqə saxlayır, müqavilə bağlayırıq. Burdakı avrokubok oyunlarını biz çəkib, siqnalları onlara ötürürük. Ordakı oyunları da onlar çəkib bizə ötürürlər. Artıq müqavilə bağlanılıb, inşallah, oyunu yayınlayacağıq. Güman edirəm ki, qeyr-adi nəsə baş verməyəcək. Adətən, Cəbəllütariq kimi kiçik ölkələrdə yayını təşkil etmək yetərincə çətindi. Çünki bu ölkənin telekanalları belə qarşılaşmaları yayınlamaqda maraqlı deyil. Ancaq yenə də “CBC Sport”un rəhbərliyi, başda kanalın direktoru Volkan Üst olmaqla, ardıcıl üçüncü ildi ki, Cəbəllütariqdə öz əlaqələrimizi də işə salaraq, yayını təşkil edirik. Qeyd edim ki, öncədən Cəbəllütariqdə oyunun çəkilişi nəzərdə tutulmamışdı”.