AFFA Hakimlər Komitəsinin sədri Frank De Bleker Rusiya Futbol İttifaqında (RFS) da çalışacaq.

"Football-plus.az" xəbər verir ki, belçikalı mütəxəssis RFS-in prezidenti yanında ekspert-hakimlik komissiyasının üzvü olub. De Blekerlə yanaşı, Belarusdan olan keçmiş beynəlxalq dərəcəli hakim Aleksey Kulbakov da komissiyayay üzv seçilib. Pavel Kamantsevin sədrlik etdiyi komissiyada Ravşan İrmatov, Milorad Majiç, Nestor Pitana, Cüneyt Çakır, Vladimir Kadıkov, Talqat Kosmuxambetov kimi sabiq referilər də yer alıb.

Xatırladaq ki, De Bleker 2024-cü ilin iyun ayından AFFA Hakimlər Komitəsinin sədridi.