“Turnirdə ən güclü komanda Polşa idi. Onları millimizlə müqayisə edə bilmərik. Arada yerdən göyə qədər fərq var. Polşa yığması bizi bütün göstəricilərdə üstələyir, çox yaxşı futbolçulardan qurulub. Bu cür rəqiblə üçüncü matçda qarşılaşmaq çox çətindi. Çünki ilk iki matçda böyük enerji sərf etmişdik. Sonuncu oyun üçün yetərincə güc qalmamışdı. Millimiz həftədə üç matç keçirəcək qədər böyük təcrübəyə sahib deyil. Ölkə çempionatında həftə ərzində bir oyun keçirilir və növbəti oyuna hazırlaşmaq üçün çox vaxt olur. O başqa məsələ ki, böyük hesabla uduzduğumuza görə üzgünük. Ürəkaçan nəticə deyil. Yenə də reallıqlar var. Rəqibdən zəifik. Gücümüz yoxdu. 60-cı dəqiqəyə qədər vuruşa bildik. Sonradan səhvlərə yol verdik. Ayaqlar sözə qulaq asmadı. Əslində faciə baş verməyib. Boyumuzdan yuxarı tullanmaq çətindi. Təkcə biz yox, klublar da futbolçuların fiziki hazırlıq səviyyəsinin qaldırılmasına diqqət yetirməlidi. Bəlkə onda belə komandalara qaşrı oyunlarda daha az qol buraxarıq və ya heç-heçə edərik. Bu gün Polşanı məğlub etmək mümkün deyil. Əsas odu ki, komanda vuruşdu, xarakter göstərdi. Həmçinin bura tam heyətlə gəlməmişdik. U-21 yığmasına yollanan oyunçularımız da oldu. Hər halda, komandamdan raz qaldım. Bütün oyunlarda əzmkarlıqlarını ortaya qoya bildilər”.