J qrupu, 5-ci tur
Qazaxıstan – Uels 0:1 (0:1)
Qazaxıstan: Anarbekov, Kairov, Kasım, Malıy, Alip (Jaksıbayev, 81), Voroqovski, Obrazov (Mujikov, 86), Kasabulat, Kenjebek (Çesnokov, 65), Satpayev (Omirtayev, 87), Samorodov (Jumat, 86).
Uels: Darlou, Tomas (Bruks, 77), Mefam (Kabanqo, 86), Devis, Loulor, Uilyams, Kallen (Ceyms, 77), Şihen, Uilson, Conson (Ceyms, 65), Mur (Harris, 65).
Qol: Mur, 24.
Vərəqələr: Malıy, 80. Uilyams, 90+2 – sarı.
Hakim: Alexandro Ernandes (İspaniya).
4 sentyabr. Astana. 28219 tamaşaçı.

Lixtenşteyn – Belçika 0:6 (0:1)
Lixtenşteyn: Bühel, Hofer, Traber, Malin, Heppel, Zele (Hasler, 63), Hasler (Zund, 84), Lühinger (F.Vilfinger, 84), S.Vilfinger (Mayer, 76), Sağlam (Pitsi, 63), Lük-Notaro.
Belçika: Kurtua, De Keyper (Kastan, 67), Teat, Debast, Menye (Moreyra, 79), Vanaken, Tilemans, Dokyu (Salemakers, 61), De Bruyne (Trossar, 67), Fofana, Openda (De Ketelare, 61).
Qollar: De Keyper, 29 (0:1). Tilemans, 46 (0:2). Teat, 60 (0:3). De Bruyne, 62 (0:4). Tilemans, 70-p. (0:5). Fofana, 90+1 (0:6).
Vərəqələr: S.Vilfinger, 16. Hasler, 69 – sarı.
Hakim: Morten Kroq (Danimarka).
4 sentyabr. Vaduts. 3158 tamaşaçı.

1. Uels 5 3 1 1 11-6 10
2. Ş.Makedoniya 4 2 2 0 6-2 8
3. Belçika 3 2 1 0 11-4 7
4. Qazaxıstan 4 1 0 3 3-5 3
5. Lixtenşteyn 4 0 0 4 0-14 0

7 sentyabr: Şimali Makedoniya – Lixtenşteyn, Belçika - Qazaxıstan.

Bu qrupun hər iki oyununda qonaqlar qələbə qazandı. Qazaxıstan yığması təsnifat mərhələsində ardıcıl 2-ci ev məğlubiyyəti ilə üzləşdi.

"Football-plus.az" xəbər verir ki, meydan sahibləri oyunun əvvəlində açıq-aşkar “2 nömrə” rolu ilə razılaşdılar. Onlar topu və ərazi üstünlüyünü rəqibə verərək, xoşbəxtliyi əks-hücumlarda axtardılar. Qazaxların baş məşqçisi Əli Əliyevin oyun üçün planı heç bir effekt vermədi. İlk yarının ortalarında britaniyalılar hesabı açdı. Uelsilərin cərimə zərbəsini yerinə yetirməsi Murun məhsuldar zərbəsi ilə nəticələndi. Qoldan sonra meydan sahibləri daha cəsarətli oynamağa başladı. Düzdü, onlar fasiləyə qədər Darlounun qapısı önündə yalnız bir təhlükəli vəziyyət yaratmağı bacardılar. Onda da Kenjebek qeyr-dəqiq zərbə ilə yadda qaldı.

Oyunun 2-ci hissəsində Qazaxıstan yığması hücumda daha parlaq və yaradıcı təsir bağışladı. Yenə də Darlounun qapısı önündə əsasən Kenjebek təhlükəli vəziyyət yaradırdı, o, hesabı bərabərləşdirmək üçün iki əlverişli şansı boşa verdi. Özü də epizodların birində Kenjebek rəqibin qapı tirini silkələdi. Sona yaxın artıq Çesnokov əlverişli vəziyyətdən rəqib qapısına yol tapa bilməfi. Qonaqların qapıçısı Samorodovun hiyləgər zərbəsinin də öhdəsindən gəldi. Uzatma dəqiqələrinin sonunda isə Mujikovun cərimə zərbəsi də tirdən döndü. Bu oyunda qazaxların bəxti açıq-aşkar gətirmədi. Digər tərəfdən, maraqlı sual da yaranır: niyə Əliyevin komandası ilk yarıda belə cəsarətli oynamadı? Turnir vəziyyəti ilk iki yerdən birini tutmaq istəyən qazaxları qələbəyə oynamağa məcbur edirdi. İndi isə Qazaxıstan yığması ilk 4 oyunda üç məğlubiyyət üzündən qrupda yüksək yerlər uğrunda mübarizə aparmaq şansını praktiki cəhətdən itirib. Vacib qələbə qazanan Uels yığması 10 xalla J qrupunda liderliyi ələ keçirdi. Düzdü, Şimali Makedoniya ilə Belçikanın hələ ehtiyatda oyunu var.

Yeri gəlmişkən, Belçika hesabat turunda səfərdə Lixtenşteyni darmadağən etdi. Fasiləyə qədər abırlı hesab qorunsa da, “qırmızı iblislər” 2-ci hissədə coşdu. Tilemans dubl etdi, Teate, De Bruyne və Fofana hərəyə bir qol vurdu.