Türkiyənin oynamadığı turda əsas diqqətlər İrəvandakı qarşılaşmaya yönəlmişdi.

“Football-plus.az” xəbər verir ki, Türkiyə ilə çətin səfər oyunundan xalla qayıdan Ermənistan evdə Xorvatiyadan da xal alacağı təqdirdə qrupdakı vəziyyətini bir qədər də yaxşılaşdıracaqdı. Amma bədnam qomşularımızın heç 1 xal qazanmağa da gücü çatmadı. 14-cü dəqiqədə Mkrtçyanın uğursuz oyunundan sonra Kramariç önünə düşən topu tora göndərdi. Xorvatiya xüsusilə 2-ci hissədə böyük üstünlüyə malik idi və dəfələrlə fərqi artıra bilərdi. Amma Kramariçin qolu oyunda yeganə oldu. “Damalılar” bu qələbə ilə xal hesabında Türkiyəyə çatdı. Amma xorvatlar bir oyun az keçirib. Gələn ay keçiriləcək Xorvatiya – Türkiyə matçını indidən səbirsizliklə gözləməyə dəyər. Qrupun digər oyununda da meydan sahibi statusunda çıxış edən komanda qola və xala həsrət qaldı. Uels Riqada inamlı qələbə qazanaraq xal hesabında Ermənistana çatdı. Britaniyalılar bu qrupda onları siyahıdan silməyin erkən olduğunu göstərdilər.

D qrupu
Ermənistan – Xorvatiya 0:1 (0:1)
Ermənistan: Çançareviç, Arutyunyan, Çalışır, Mkrtçyan, Tiknizyan, İvu (Ovannisyan, 58), Daşyan, Bıçaxçyan (Serobyan, 58), Spertsyan, Zelarrayan, Ranos (Briasko, 68).
Xorvatiya: Livakoviç, Stanişiç, Sutalo, Qvardiol, Barışiç, Brozoviç, Modriç, İvanuşeç (Maxer, 74), Kramariç (Paşaliç, 69), Perişiç, Petkoviç (Musa, 84).
Qol: Kramariç, 14.
Vərəqələr: Qvardiol, 21. Stanişiç, 29 – sarı.
Hakim: Kleman Turpen (Fransa).
11 sentyabr. İrəvan. 14233 tamaşaçı.
Latviya – Uels 0:2 (0:1)
Latviya: Ozols, Savalnieks, Dubra, Çernomordıy, Tsıqanik, Emsis, Tobers, Yaunzems (Daşkeviçs, 86), Krollis, Y.İkaunieks, Uldrikis (Reqza, 86).
Uels: Uord, Devis, Mefam, Rodon, Ampadu, Roberts, Ceyms, Uilson, Uillyams, Remsi (Bruks, 49), Conson (Bredşou, 87).
Qollar: Remsi, 29-p. (0:1). Bruks, 90+6 (0:2).
Vərəqələr: Dubra, 27. Uillyams, 52. Savalnieks, 59. Y.İkaunieks, 64. Emsis, 78. Tobers, 90. Mefam, 90+3. Tsıqanik, 90+7 – sarı.
Hakim: Mixal Oçenaş (Slovakiya).
11 sentyabr. Riqa. 6464 tamaşaçı.
1. Xorvatiya 4 3 1 0 9-1 10
2. Türkiyə 5 3 1 1 8-6 10
3. Ermənistan 5 2 1 2 8-7 7
4. Uels 5 2 1 2 6-7 7
5. Latviya 5 0 0 5 3-13 0
12 oktyabr: Xorvatiya – Türkiyə, Latviya – Ermənistan.