“İnter” heyətini yeni oyunçu ilə gücləndirib.

Komandanın bir futbolçusu isə başqa kluba keçib.
İtaliya klubunun mətbuat xidmətinin məlumatına görə, Milan təmsilçisi “Lans”dan Endi Diufu transfer edib. 22 yaşlı yarımmüdafiəçi ilə imzalanan müqavilənin detalları hələlik açıqlanmayıb. Diuf ötən mövsüm Liqa 1-də 34 matçda meydana çıxıb, 1 qol vurub və 2 məhsuldar ötürmə verib.

Kristian Asllani isə “İnter”i tərk edib. Yarımmüdafiəçi İtaliyanın digər klubuna – “Torino”ya transfer olunub. Hər iki klubun mətbuat xidmətinin xəbərinə görə, albaniyalı futbolçu bu mövsümün sonuna qədər icarə əsasında “Torino”da çıxış edəcək.

Qeyd edək ki, 23 yaşlı futbolçu ötən mövsüm “İnter”in heyətində keçirdiyi 39 oyunda 3 qol vurub və 3 məhsuldar ötürmə verib.