“Ailəvi səbəblərə görə Bakıya qayıtmalı oldum” – kapitan
“Turan Tovuz”un kapitanı Şəhriyar Əliyev yoxlama oyunarında komandanın heyətində olmayan futbolçulardan idi. Tovuzlu azarkeşlər isə bundan çox narahat oldu. Onları kapitanın yenidən zədələnmək ehtimalı narahat edir. Klub da bununla bağlı heç bir rəsmi məlumat bildirməyib.
“Football-plus.az” məsələni aydınlaşdırmaq üçün Şəhriyarla əlaqə saxlayıb:
“Zədəm çoxdan sağalıb, sonra da hansısa zədə olmayıb. Şükür Allaha, indi hər şey qaydasınadı. Komanda ilə məşqlərə də qoşulmuşdum. Ailəvi səbəblərə görə Bakıya qayıtmalı oldum. Təlim-məşq toplanışında da komanda ilə birgə məşq etmişəm. Son dörd gün məşq edə bilmədim, o da iki oyuna düşdü”.
MÜZƏFFƏR QULUZADƏ
