"Meydana qələbə üçün çıxacağıq" - Valdas Dambrauskas
“Ağır oyundan sonra zədələrin olması normaldı”.
"Football-plus.az" xəbər verir ki, bu sözləri “Sabah”ın baş məşqçisi Valdas Dambrauskas Konfrans Liqasının 3-cü təsnifat mərhələsində Bolqarıstanın “Levski” komandasına qarşı keçirəcəkləri cavab oyunundan öncə mətbuat konfransında deyib.
Litvalı mütəxəssis futbolçuların matça tam hazır olduğunu bildirib:
“Əllərindən gələni məşqdə etməyə çalışırlar ki, yaxşı nəticə əldə edə bilsinlər. İstədiyimiz "11-liy"i görə biləcəyik”.
O, “Levski”ni müdafiə cəhətdən çox təşlilatlanmış komanda adlandırıb:
“Hansı oyun modelini seçsək də, bizim üçün çətin olacaq. Əlimizdən gələni edəcəyik ki, hücum cəhətdən riskə getmək bahasına da olsa yaxşı nəticə əldə edək”.
48 yaşlı baş məşqçi Bolqarıstanda keçirilən oyunun çətin keçdiyini söyləyib:
“Bizi çox yaxşı nəticədən 7-8 saniyə ayırdı. Cavab oyununda bizə heç-heçə də bəs etməyəcək. Meydana qələbə üçün çıxacağıq”.
Xatırladaq ki, “Sabah” - “Levski” oyunu avqustun 14-də "Bank Respublika Arena"da keçiriləcək. Tərəflər arasında ilk görüş Masazır təmsilçisinin 0:1 hesablı məğlubiyyəti ilə bitib.
Digər xəbərlər
