Yeni mövsümdən Misli premyer-liqasında mübarizə aparacaq "Karvan"ın bir sıra planları üzə çıxıb.

"Football-plus.az"ın əldə etdiyi məlumata görə, Yevlax təmsilçisi 2025/26 "futbol ili"ndə iddialılar sırasında qərarlaşmaq niyyətindədi. Komanda bu məqsədlə nə az, nə çox - 9 legioner futbolçuyla danışıq aparır və tezliklə həmin oyunçularla rəsmi müqavilə imzalanacaq.

“Karvan”ın transfer bazarında daha da fəallaşması səbəbsiz deyil. Belə ki, klub prezidenti Şahmar Vəliyev yeni mövsüm üçün hədəfi müəyyənləşdirib. Həm rəhbər postunda əyləşən, həm də klubu maliyyələşdirən funksionerin tələbi kollektivin 4-5-ci yerlər uğrunda mübarizə aparmasıdı.

Xatırladaq ki, yevlaxlılar başa çatan mövsümdə 1-ci liqanı üçüncü pillədə bitirib və premyer-liqaya vəsiqə qazanıb.

KƏNAN BAHADIR