Artıq bir həftə sonra birinci liqada yeni mövsüm başlayır.

Komandalar hazırlığı bitirmək üzrədi. Mövsümlərarası fasilədə transfer bazarında fəallıq göstərən klublardan biri də “Karvan”dı. Bəs Yevlax təmsilçisinin yeni mövsümdə hədəfi nə olacaq?

Komandanın baş məşqçisi Kənan Kərimov “Football-plus.az”a hazırlıq barədə danışdı: “Transfer işlərimiz yekunlaşmaq üzrədi. Sentyabrın 6-7-də tam yekunlaşdıracağıq. Yeni qurulmuş komandayıq. Həm yerli, həm də legioner futbolçuların əksəri yenidi. Ötənilki heyətdə forma geyən legionerlərdən Kinqdən başqa hamısını yola salmışıq. “Kəpəz”dən qanalı yarımmüdafiəçi Ezekyel Morqanı birilliyə icarəyə götürmüşük. Hazırlıq prosesi də bzi qane edir. Hədəf həmişəki kimi yüksək yerlər olacaq. Çalışacağıq ki, ilk “3-lük”də qərarlaşaq”.

RÖYANƏ OĞUZ