“Rövşən bəylə təsadüfən qarşılaşdım. Paytaxtın Nizami küçəsində gəzişərkən qarşıma çıxdı. Məni tanıyandan sonra söhbətə başladıq. Həqiqətən “Qəbələ” Futbol Akademiyasının fəaliyyətini məhdudlaşdırması haqda xəbəri üzüntüylə qarşılamışdım. Bu səbəbdən, narahatlığımı Rövşən bəylə bölüşdüm. Dediyim kimi, cavabı məni qane etdi. Ancaq bunu açıqlamaq etik olmaz. Hər halda, qeyri-rəsmi söhbətdi. Yəqin ki, AFFA detalları rəsmən açıqlayacaq. Təəssüratlarıma gəlincə, mənim üçün çox xoş oldu. Federasiyanın əvvəlki prezidentiylə (Rövnəq Abdullayevi nəzərdə tutur – red.) stadionda belə üz-üzə gəlmirdik ki, sözümüzü deyək. Lakin Rövşən bəy şəhərin mərkəzində görüşdük. Həm söhbəti, həm də yanaşma tərzi çox xoş təsir bağışladı. Dediklərini etsələr, akademiyanın parlaq gələcəyi üçün ciddi addım atmış olacaqlar. Onsuz da son vaxtlar AFFA-nın fəaliyyətini bəyənirəm. Millinin nəticələri uğursuz olsa da, legioner limitinin ləğvi, premyer-liqada komanda sayının artırılması, bölgə təmsilçilərinin elita klubları sırasına yüksəlməsi düzgün addımlardı. Əlbəttə, AFFA yaxın 2-3 il ərzində qlobal dəyişiklik edə bilməz. Məncə, onlara vaxt verməliyik. Hadisələrin axarı ona göstərir ki, qurum nəsə yaxşı şeylər etməyə çalışır. Gözləmək lazımdı”.

“Bu gün nəinki “Göyqurdlar”, hər kəs yığmanın nəticələrindən narazıdı. Haqlı iradlar bildirilir. Nəticələr heç kimi qane etmir. Düzü, “Göyqurdlar”ın hansı məqamı nəzərə alaraq, belə qərar verdiyini bilmirəm. Amma yığmamızın mövcud durumuna baxsaq, vəziyyət bəllidi. Belə qərarlara hörmətlə yanaşıram”.