Devid Kutun işi fırıqdı. O, növbəti dəfə cəzalanmaq təhlükəsi ilə üzləşib.

"Football-plus.az" xəbər verir ki, İngiltərə Futbol Assosiasiyası (İFA) İngiltərə Premyer-Liqasından diskvalifikasiya edilmiş hakimin “Liverpul”un sabiq baş məşqçisi Yürgen Kloppu təhqir etməkdə günahlandırılmasını istəyib.

BBC-nin məlumatına görə, assosiasiya hakimin qəbuledilməz davranışlar sərgilədiyini və Klopp haqda təhqiramiz ifadələr işlətdiyini qeyd edib. Bu hadisənin 2020-ci ilin iyulunda baş verdiyi də bildirilib. Kutun vəziyyətini ağırlaşdıran amillərdən biri də almaniyalı məşqçinin milliyəti haqqında təhqirlər səsləndirilməsidi. O, İFA-nın araşdırlmalarından asılı olaraq əlavə cəza ala bilər.

Xatırladaq ki, Kut 2020-ci ildə “Liverpul”un ünvanına söyüş və Kloppla bağlı alçaldıcı ifadə işlətmişdi. Hakimin iddiasına görə, məşqçi təkəbbürlü münasibət nümayiş etdirib və guya oyunların birindən sonra onu yalan danışmaqda ittiham edib.

UEFA bu ilin fevralında 42 yaşlı referini 2026-cı ilin yayına qədər diskvalifikasiya edib.