“Yaxşı, gələn dəfə onun üçün burun dəsmalı taparam”
Ferstappen Rassellin tənqidlərinə sərt cavab verdi
"Football-plus.az" xəbər verir ki, “Red Bull”un pilotu, dördqat dünya çempionu Maks Ferstappen onun İspaniya “Qran-pri”sindəki davranışını yolverilməz sayan “Mersedes”in pilotu Corc Rassellin tənqidinə sərt cavab verib:
“Yaxşı, gələn dəfə onun üçün burun dəsmalı taparam. Onun öz fikri ola bilər, mənim də öz fikrim. Düzünə qalsa, mən trassda təhlükəsizlik maşını görünənə qədər bizim üçün yaxşı alınan yarışın müzakirəsinə köklənməyə üstünlük verərdim. Bu münaqişəni Rassell ilə müzakirə edəcəyəmmi? Deməyə sözüm yoxdu, həyat belədi. Hər şeylə bağlı təəssüflənməyə dəyməz, axı bir dəfə yaşayırıq”.
“Red Bull”un məsləhətçisi Helmut Marko isə belə hesab edir ki, Ferstappen Rassell ilə toqquşmaya görə cəzalanmamalıydı:
“Bu, stüardların işidi. Ancaq şəxsən mənə elə gəlir ki, bu adi bir yarış münaqişəsi idi. Yarışın sonluğu gərgin alındı. Maks məyus idi, bu üzdən sərt mübarizə aparırdı”.
Bir daha xatırladaq ki, finişə bir neçə dövrə qalmış Rassell ilə toqquşan niderlandlı pilot 10 saniyəlik cərimə ilə üzləşib, 3 cərinə balı qazanıb. 12 mümkün xaldan 11-ni toplayan Fertappen diskvalifasiyanın astanasındadı.
Digər xəbərlər
