Volf hakimləri qərəzli münasibətdə suçladı
“Mersedes”in rəhbəri Tofo Volf stüardların “Formula-1” üzrə dünya çempionatının ABŞ mərhələsindəki bəzi qərarlarını şərh edib.
Xatırladaq ki, Ostində “Mersedes”in pilotu Corc Rassell “Zauber”in pilotu Valtteri Bottası sıxışdırdığına, “Maklaren”in pilotu Lando Norris isə cari mövsümün lideri Maks Ferstappeni trassdan kənarda ötdüyünə görə cərimələnib. “RaceFans” Volfun bu sözlərinə yer verib:
“Ferstappen Norrislə insidentə görə cərimələnmədi. Landonu isə ona görə cəzalandırdılar ki, o sıxışdırımışdı və Maksı kənar traektoriya üzrə ötdü. Bu qərarı bir qədər qərəzli sayıram, ancaq təəccübləndiyimi deməzdim”.
Xatırladaq ki, ötən həftəsonu keçirilən ABŞ mərhələsində “Ferrari”nin pilotu Şarl Lekler qələbə qazanıb. Onun komanda yoldaşı Karlos Sayns 2-ci, “Red Bull”un pilotu Maks Ferstappen 3-cü olub. Dünya çempionatının növbəti mərhələsi həftəsinu Meksikada keçiriləcək.
