“Red Bull”un niderlandlı pilotu Maks Ferstappen 75 milyon dollar qazanmaqla “Formula-1” üzrə dünya çempionatının yenicə başa çatan mövsümündə ən yüksək ödənişli sürücü olub.

Bununla bağlı məlumatı “Forbes” yayıb.

Niderlandlı pilotun illik qazancı 60 milyon dollar təşkil edib. Daha 15 milyon dolları isə yarışlarda iştiraka görə mükafat fondu kimi qazanıb. Bu göstəricidə 2-ci yerdə “Mersedes”in britaniyalı pilotu Lüis Hemilton qərarlaşıb – 55+2 milyon. İlk “3-lüy”ü “Maklaren”in britaniyalı pilotu Lando Norris qapayır – 12+23 milyon.

Top-10-a daxil olan başqa pilotlar: 4. Fernando Alonso (İspaniya, “Aston Martin”) – 27,5 milyon dollar, 5. Şarl Lekler (Monako, “Ferrari”) – 27 milyon, 6. Corc Rassell (B.Britaniya, “Mersedes”) – 23 milyon, 7. Oskar Piastri (Avstraliya, “Maklaren”) – 22 milyon, 8. Serxio Peres (Meksika, “Red Bull”) – 19,5 milyon, 9. Karlos Sayns (İspaniya, “Ferrari”) – 19 milyon, 10. Pyer Qasli (Fransa, “Alpin”) – 12 milyon.

Xatırladaq ki, Ferstappen bu il ardıcıl 4-cü dəfə dünya çempionu olub.