Türkiyədə geridə qoyduğumuz mövsümdə cəzalarla bağlı göstəricilər bəlli olub.

"Football-plus.az" xəbər verir ki, 8 avqust 2024 - 4 iyun 2025 tarixləri arasında Türkiyə Futbol Federasiyasının nəzdində fəaliyyət göstərən İntizam Komitəsinin ümumilikdə 70 iclası baş tutub.

Ötən mövsüm Türkiyənin peşəkar liqalarında ümumilikdə 139 klub çıxış etdi. 3095 olayla bağlı İntizam Komitəsinə sövq halları baş verib. Apellyasiyadan sonra onların sayı 1833-ə düşüb. Bu sövqlərdə klublara ümumilikdə 183 milyon 486 min 190 lirə cərimə verilib. Bununla da cərimələrdə bir mövsüm üçün yeni rekord qeydə alınıb!

Maraq üçün bildirək ki, 2023/24-də Türkiyədə bütün peşəkar klublara ümumilikdə 116 milyon 706 min cəza verilmişdi. Superliqada yer alan 19 klubun isə İK-ya sövq edilməsi halına 777 dəfə rast gəlinib və onların 317-si apellyasiyadan dönüb. 460 sövq nəticəsində elita klublarına ümumilikdə 123 milyon 563 min lirə cəza kəsilib ki, bu da təxminən 2,76 milyon avro deməkdi.

Maraqlıdı ki, mövsümü ilk iki pillədə bitirən ''Qalatasaray''la ''Fənərbaxça'' cəzalarda da ilk iki pillədə qərarlaşıb. ''Cim-Bom'' hətta bu göstəricidə də belə desək, çempion olub. ''Sarı-qırmızılar'' mövsüm ərzində 67 dəfə İK-ya sövq edilərək 22 milyon 608 min 750 lirə cəza ödəmək məcburiyyətində qalıblar.

''Fənər'' isə burda da ikinci pillədə qərarlaşıb. ''Sarı-lacivərdlilər'' 60 dəfə İK-ya sövq edilərək 21 milyon 361 min 500 lirə cəza ödəyiblər.

Maraqlıdı ki, 3-cü pillədə qərarlaşan ''İstanbul BŞ'' İstanbul nəhənglərindən təxminən 3 dəfə az - 776500 lirə cəza ödəyib. Prezidentlər arasında isə 3 milyon 300 min avro ödəmək məcburiyyətində qalan ''Beşiktaş'' başqanı Sərdal Adalı bütün həmkarlarını üstələyib.